ليه الصراحه تتحول لنقطة ضعف

الموضوع ياجماعه وبكل اختصار محتاج فعلا مشاركه منكم

اناعرف بنت كانت بتحب ولد ايام الكليه ومحصلش نصيب وسابوا بعض بكل احترام وبعد اتفاق منهم انهم مش هينفعوا بعض وبعد فتره البنت دى جالها عريس فحبت قبل ماتوافق عليه تصارحه بحياتها اللى كانت له على علاقتها لانها شافت ان الصراحه كويسه واحسن مايكتشف الموضوع ده لوحده وهو قالها انا متمسك بيكى اكتر عشان صارحتينى وهحاول انسيكى كل الماضى وهنسيكى حبيبك ده وهحاول بقدر الامكان انى اسعدك وفعلا ارتبطوا وفضلوا سنه مخطوبين وبعد السنه دى خطيبها ده جهز الشقه وفرشها فمعجبتهاش فقالتلوا رأيها على اللى مش عجبها وهو مرضاش يغيرهاوخرج من عندها زعلان وفضل اسبوع ميكلمهاش وبعد الاسبوع اخته راحتلها بتؤلها هو انتى بتتلككى ليه هو انتى بتعملى كده عشان ترجعى لحبيبك القديم فالبنت دى حسيت ان كرامتها انجرحت لما هو حكى لاخته ومش بس كده لا كمان قال لاصحابه وبدؤا يتكلموا عليها فراحت قايله لاخته بصى انا مش بتلكك ولا حاجه ولو عايزه اسيبه كنت اولتله بلاش نكمل وبكل احترام بس بعد اللى حصل ده على الرغم من انى حبيته اكتر ماحبيت نفسى هدوس على قلبى وهبعد وكل واحد فينا يروح لحاله
المشكله بقى ان البنت دى عملت كده وسابته بس هى بتحبه وبتموت فيه والموضوع ده مسببلها جرح جامد فى حياتها وهى مش عارفه تعمل ايه

خليها تكون قوية زترضى بالامر الواقع

والله احسن حاجه عملتها انها سابته لانه من المفروض مكانش قال لاخته دى على حاجه وكمان شكله كده هيمسكلها طول العمر انها اعترفتله ده احسن اختيار بالنسبه بئه انها بتحبه فهى هتلاقى غيره كتير واحسن منه كمان على الاقل هيحفظ السر ده واتمنى ليها التوفيق ولينا كلنا وربنا يرزقنا بكل اللى نحبه