جديد ياريت تساعدوني علشان اشترك

سلام عليكم
انا بجد فرحااان ان في منتدي جديد للنادي علي فكرة انا لسة جديد في المنصورة
انا عايز اعرف لو عايز اشترك في النادي من الاخر كدة بكاام؟ للفرد والعائلة علشان انا تهت من لايحة القوانين دي مع احترامي ليها طبعا
في اشتراك مؤقت زي نوادي الاسكندرية والقاهرة كماااان؟؟؟
ياريت الاقي الرد بسرعة علي السؤالين والتالت دة كمان اههه


هو ليه الاجراءات مشددة في الايام العادية والخميس والجمعة اللي هما الزحمة والناس اللا مؤاخذة بتكتر مفيش اي حاجة؟؟؟؟



ياريت تردوا علي حالا علي فكرة انا ساكن قريب منه كمااان
ةتحية من اليكس

طبعا اهلا بيك معنا ومنورنا فى المنتدى ومنور المنصورة بص بالنسبة للاشتراك فى النادى هو حاليا مافيش اشتركات عشان دة بتبقى من قبل مجلس الادارة واول ان شاء الله لما يفتح باب الاشتركات وعمل عضويات جديدة هنعلن عنها فى المنتدى وعلى موقع النادى
ثانيا احب اطمنك ان المبلغ الى بيدفع هو شامل للعائلة كلها مش لفرد واحد من العائله وبيكون فى عضو عامل الى هو رب الاسرة
الوالد يعنى والابناء توابع للاب حسب السن يعنى

وبالنسبة حضرتك للاشتراك المؤقت دة للاسف مش موجود فى النادى لكن موجود تذاكر لائ زائر يحب ينورنا فى النادى
بالنسبة بقه للاجراءات حضرتك تقصد على البوابة عند الدخول هو فعلا بيكون الخميس والجمعه بيبقى فى زحام وبردة بيبقى فى
شدة بردة بس مش قوى عشان بيكون فى زحمة لكن فى الايام العدية الشدة بتبقى قوية عشان النادى مش بيبقى فى زحمة جامدة زى يوم الخميس والجمعه

صح ياستار هو حاليا ممكن يكون كدة بس قبل ما انتى تيجى انا بقه معرفش كان بكام بس لما انتى جيتى اكيد كل حاجة غلت عشان انتى غاليه طبعا

انا بجد بشكركم علي الرد
طيب والجيوش اللي قدام النادي دول بيدخلوا ازاااي بقي؟ بتذاكر وللا ايه؟ وللا مع مشتركيين يعني انا من الاخر ل عايز ادخل كل يوم لغاية الاشتراك ادفع تذاكر كل يوم؟

هههههههههههههههههههه انت لدرجة دة بتحب النادى وعايز تيجى كل يوم على العموم تنور النادى بس هو الدخول بتذاكر لغير الاعضاء وانت وحظك على البوابة زى ما قالت استار يعنى فى الزحمة ممكن تتدخل وانت وحظك

بكرر شكري لياسمين وستار جدا جدااا

طيب لي سؤال اخر هو في فروسية في الجزيرة؟ وممكن اتدرب سباحة اثناء دخولي عادي (في الزحمة (

مافيش شكر ولا حاجة انت تأمر
بس للاسف مافيش فروسية فى النادى ومعلش بردة للتدريب السباحة للاعضاء فقط مش ينفع للزوار يعنى الى بيدخل النادى بتذاكرة مش عضو اساسى اسفين بجد بس ان شاء الله فتح باب العضويات لما يفتح اكيد هتكون معنا فى النادى وتعمل كل حاجة انت عايزها

كلام الاخت مشرفة المنتدى صح وكل سنة وانتم طيبين

شكرا علي الرد طيب لو انا عايز ادخل بتذكرة مثلا لازم مع واحد مشترك للا عادي؟؟؟ ياريت الرد بسرعة
ثانيا الاشتراكات هتفتح امتة وبكاام؟
ثالثا ممكن كغير مشترك اشترك في السبحة بس؟ولو ينفع بكام؟؟؟